بدايتي كانت من الميدان، في المبيعات العقارية.
ومن هناك تعلّمت أهم درس في التسويق: اعرف مين بيوقّع، قبل ما تكتب أول كلمة.
عشان كذا، كل حملة أبنيها تبدأ من سؤال واحد: مين العميل اللي لازم توصل له؟ وكل فكرة أكتبها لها مهمة واضحة: تجمع الإبداع بالنتيجة. لأن الفكرة الحلوة تلفت… والكاش هو اللي ينهي النقاش.
أرقام تراكمية عبر خمس شركات عقارية.
تنفيذية
لغتي لغة الأرقام.
- استراتيجية تربط العلامة بهدف المبيعات
- مؤشرات يومية وتقارير تساعد الإدارة تقرر
- مسار العميل من الإعلان إلى الـCRM
- فرق تنبني وتتدرب وتوصل الهدف
مبدعة
وأحب الفكرة اللي تعلق في البال.
- هوية تحسّ إن لها روح، مو بس شعار
- محتوى يشبه كلام الناس، ويوصل لقلوبهم
- أول ثانية تخلي الإصبع يوقف ويسمع
- حملة تنحكى بعدها في المجالس، مو بس تنعرض
وش أقود
قائدة بالفطرة. وهذي المساحات اللي أقود فيها.
الاستراتيجية
خطتي تبدأ من هدف المبيعات، وترجع له.أهدافي في الغالب اثنين: علامة أقوى، ومبيعات أعلى. لأني مؤمنة إن الهدف في النهاية تجاري، أربط إبداعي ورسائلي الصادقة باستراتيجية تخدم هدف الشركة.
العلامة والهوية
أبني شخصيات تنحفظ.شغفي الأول، وأكثر شي آخذ وقتي فيه. أبحر لين ألقى هوية لها عمق ومعنى وغاية، تعبّر عن تموضع العلامة وتخليها فارقة فعلًا. وإذا للشركة هوية قائمة، أطوّرها بنفس الروح. فن خالص، ووراه دراسة لسلوك المستهلك.
المحتوى
المساحة اللي أبدع فيها أكثر.أفكار بسيطة ومباشرة، تخاطب لسان عميلنا. ما يهمني نسوي ضوضاء أو نلاحق الفيوز؛ يهمني محتوى محترم، يناسب ثقافتنا ومجالنا. وقبل ما أكتب، أدرس المنطقة والشريحة وسلوك العميل، وأعرف كيف يفكر عميل المبيعات… لأني كنت قدامه.
الحملات والأداء
أختبر، أقيس، وأعدّل. الانطباع يقترح، والرقم يقرر.رسائل قصيرة وواضحة، وهوك يتكلم بلغة الفئة. كل شهر أطلق تقريبًا 10 رسائل مختلفة؛ ينجح منها 2 أو 3 بقوة، فنضخ فيها أكثر. وبعدها نقيس ونحسّن… ونرجع نقيس.
التسويق والمبيعات
أتكلم لغة الفريقين.تخصصي وشغفي التسويق والإبداع، بس اشتغلت في المبيعات وأعرف وش يحس فريقها ووش يحتاج. عشان كذا أربط كل فكرة إبداعية بهدف تجاري واضح، وأخلي الإبداع يخدم يومهم، مو يزيد عليهم.
الفرق والشركاء
أجمع الكل على هدف واحد.وكالة خارجية، أو فريلانسر، أو فريق داخلي: أستمتع بالشغل معهم. وسرّي بسيط: وضوح من أول يوم في آلية التواصل والأهداف والتوجّه… ونتفق عليها قبل ما نبدأ.
الفكرة تنقاس بنتيجتها
22 فيلا كانت واقفة
- التحدي
- فلل جاهزة عند وكالة تسويق بعقد حصري، والمبيعات ما تتحرك.
- اللي سويته
- بديت من المنتج نفسه: زرت الموقع، وحللت المزايا ونقاط القوة والضعف لين وصلت للميزة التنافسية. بعدها بنيت الاستراتيجية، ونزلت مع المصوّر، وصمّمت المحتوى، وأطلقت الحملات. ولما وصلت الليدز، استلمتها بنفسي لين آخر توقيع.
- النتيجة
- 22 فيلا انباعت. سويت شغل وكالة كاملة… وكانت بداية موفّقة في الميدان، بفضل الله.
شقة انباعت بدون زيارة
- التحدي
- المشروع كله انباع، إلا شقة مؤثثة وحدة. زرتها بنفسي، وما لقيت فيها أي عيب.
- الفكرة
- المشكلة ما كانت في الشقة، كانت في مين نكلّم. مشتري الشقق المؤثثة غالبًا من خارج جدة ويجي في الإجازات، فنقلت الاستهداف من جدة إلى أبها والمناطق القريبة.
- النتيجة
- تواصلت عميلة من أبها، حوّلت العربون وأفرغت الشقة… بدون ما تزورها. صوّرت لها، وأرسلت المخططات، ورتّبت حسبتها مع البنك.
- الدرس
- لما ما تكون الداتا كويسة، أدوّر على الحل، مو على المشكلة.
قسم تسويق من الصفر
- التحدي
- منصة ناشئة تربط المطورين والمسوقين والبائعين، بدون تسويق وبدون فريق مبيعات. وكنت فيها موظفة وشريكة بحصة.
- اللي سويته
- أسست كل شي: الهوية، والسوشال، والحملات، وفريق المبيعات. وتواصلت مع مطوري جدة واحد واحد، ودخّلت مسوقينها المنصة، وسويت لهم ورش تدريبية وزيارات ميدانية.
- النتيجة
- قسم تسويق متكامل دفّ العجلة، ومطورين بدأوا يدخلون. وطلعت منها بشبكة علاقات تغطي سوق جدة العقاري كامل.
أرض مسوّرة… وانباعت كلها
- التحدي
- مشروع بهوية جديدة، والأرض لسا مسوّرة، وأصحابها ساكنين في الفيلا القديمة. البيع فيه كان تحدي شبه مستحيل.
- اللي سويته
- أعدت تموضع العلامة وبنيت قسم التسويق من الصفر: خطة كاملة، واستراتيجية محتوى وحملات، وتصوير مع المصوّر والموديل. ووزعت الداتا في الـCRM بنفسي، وتابعت جودتها مع المبيعات يوم بيوم.
- النتيجة
- المشروع قفل بالكامل في 4 شهور: 70 وحدة، و+5M مشاهدة، و+15K متابع جديد.
من الملاحظة إلى الأثر
كل محطة، نجمة
الميدان
تعلمت السوق من الناس مباشرة، وعرفت وش يخلي العميل يوقّع.
التسويق العقاري
إطلاقات ومحتوى وحملات، وأول مشروع على الخارطة، وبيع لمستثمرين أجانب بالإنجليزي.
البناء من الصفر
أسست قسم وفريق، وأنا أكمل بكالوريوس التسويق مع الدوام.
قيادة التسويق والإبداع
التسويق كله من الاستراتيجية إلى الـCRM، وترقية خلال شهور.
الإشراف وتمكين الشركاء
أنسّق بين الوكالات والشركاء والفريق الداخلي، أرتّب سير العمل وأتابع التنفيذ وأضبط الجودة… لين يمشي الكل بإيقاع واحد نحو الهدف.
الفصل الجاي
مقعد قيادي في مكان يعطي الفكرة مساحتها، ويحاسبني على نتيجتها.
مكان أبدع فيه كل يوم، بأفكار ذكية تحترم الناس وتجيب نتيجة. بأهداف واضحة، واستراتيجية واضحة، وتوجّه نفهمه أنا والشركة. واللي يهمني في النهاية: أثر حقيقي، وقيمة تنضاف.
البداية كانت كوب
من صغري كان واضح إن فيني شي مختلف. أمسك الكوب، وما أشوفه كوب… أشوفه مزهرية، وفيها وردة.
والديّ سقوا هالخيال بالكتب والمتاحف والسفر واللغات والقصص. وجدّي، رجل العقار اللي يبني بيوت أيقونية، كان أول من علّمني إن البيت حكاية.
تدرّبت عيني على الجمال؛ صرت أشوف القصة والحبكة في كل مكان، وكتبت الشعر والقصص بدري. وبعدها حفظت القرآن، وتفوّقت في دراستي وشغلي.
ومن يومها وأنا أجمع الاثنين: مو بس أبدع… أبدع بنتيجة.
أفكار وصلت
الأعلى وصولًا في لينكدإن
العلم اللي ورا الحدس
عندك فكرة، أو مقعد، يحتاج من يفكّر؟
سواء كان دور قيادي، أو مشروع يبي هوية وحملة، أو تعاون يجمع الإبداع بالنتيجة… خلّنا نتكلم.
تواصل معي في لينكدإن MERAL ABOROKBAH · JEDDAH · 2026